Қазір 350 томнан тұратын іс Астана қаласының ауданаралық сотына жетіп, судьялар материалмен танысып жатыр. Ал, айыпталушы орынында Қуандық Бишімбаев бастаған бас аяғы 23 адам. Олардың 20-сы кінәларын мойындап, мемлекетке келтірген шығынды өтеп берген. Ал, экс-министр тағылған айыппен келіспей отыр. Мәліметтерге қарағанда, ол қылмыстық топ құрып, 8 дерек бойынша ірі көлемде пара алған. Және 1миллиард теңгеден астам бюджет ақшасын жымқырды деген айып тағылған болатын. Жыл басынан бері қамауда отырған Бишімбаевтың ісі сотқа өткен аптада жолданған еді.