Данияр Ақышев, ҚР Ұлттық банкі төрағасы:

–Мен криптовалютаны төлем бірлігі ретінде мойындамаймын. Қаржы тұрғысынан алсақ, криптовалютаның орталықтандырылған органы да жоқ. Сондықтан ол валюталар сияқты ештеңемен кепілдендірілімейді. Таза алып-сатарлардың қойған құнымен бағаланады. Оған құйылған қаржының сақталуына да ешкім кепіл бермейді. Ертең жүйе құласа, халық Үкіметке неге ескертпедіңдер деп келеді. Сондықтан қазір ескертіп отырмын. 

Бір сөзбен бар жауапкершілік криптоақшаға сенгеннің өз мойнында. Ұлттық банк сондай-ақ енді халықтың зейнетақы ақшасын да өз қолына беруді жоспарлап отыр. Жинақты зейнетақы қоры қолға ұстатпаса да, оны кім басқаратынын салымшы жақын арада өзі шешуі мүмкін.

Данияр Ақышев, ҚР Ұлттық банкі төрағасы:

–Біз қазіргі қолданыстағы жинақтаушы жүйемен қатар бұрын болған бәсекелі зейнетақы қорларының тәжірибесін пайдалану дұрыс деп есептейміз. Менің ойымша сол кезде жасалған барлық қателік-кемшіліктерді ескерсек, жақсы жүйе жасап шығуға болар еді. Бұл ойларымызды Үкіметке толық жеткіздік. Қазір Экономикалық саясат кеңесі алаңында талқылау жүріп жатыр.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!