Қылмыстық топтың құрбаны болғандар арасында 2 отандасымыз бар. Қалғаны Қырғызстан, Украина, Молдова мен Грузиядан барған бойжеткендер. Жеңгетайлар қыз саудасын Анталья қаласындағы үйлердің бірінде қыздырған. Ал, бұл туралы полицияға көршілері хабар беріпті. Сөйтіп, олардың қылмысы арнайы рейд барысында ашылды. Шетелдік қыздарды тәнін сатуға итермелеген - 4 адамнан тұратын топ. Олардың бірі Украина азаматы. Жеңгетайлар Түркияға кілең жағдайы төмен, ақшаға мұқтаж қыздарды апарған. Әрі оларға жоғары жалақы уәде етіпті. Жезөкшелікпен айналысқандар арасында кәмелетке толмағандар да бар. Жат елде жеңіл жүріске түскен 8 қыз бірден өз отанына қайтарылды. Ал, екеуі күдікті ретінде жергілікті полицияға жауап бергеннен кейін ғана босатылды. 

Бізді Youtubе-та қараңыз! Бізді Facebook-та, Instagram-да, Telegram-да оқыңыз!