Индонезияда фейрверк фабрикасы өртке оранып, 47 адам қаза тапты

Қатты күйік шалған тағы 46 адам ауруханаға жеткізілген. Жергілікті полицияның хабарлауынша, ондаған жанның өмірін жалмаған апаттың себебі анықталып жатыр. Кәуәгерлердің айтуынша, өрт кезінде араға уақыт салып екі рет қатты жарылыс болған. Тіпті, жойқын жарылыстың дүмпуі бірнеше шақырым жерге дейін естілген. Ал, осы кезде фабрика ішінде 100-ден астам адам жұмыс істеп жүріпті. Қазір дәрігерлер өлімнен аман қалған зардап шегушілердің өмірін сақтау үшін жан ұшыра қимылдауда. Айта кетейік, фейрверк фабрикасының іске қосылғанына екі-ақ ай өткен екен.