Жақында Nursultan Nazarbayev әуе билеттері жарыққа шығады

Азаматтық авиация комитеті 1-ші қарашадан бастап ұшақпен жол жүру  билеттеріне президенттің аты-жөні қосымша жазылады деп хабарлады. Кейін жаңа атау билеттерді брондау, сату жүйесіне де енгізіледі. Яғни, Астанадан ұшқан немесе Елордаға бағыт алған ұшақтардағы билеттердің барлығында президенттің аты-жөні болады. Және үшәріптік TSE, яғни Целиноград деген код та өзгеруі мүмкін. Маусымда Үкіметтің қаулысымен бас қаладағы халықаралық әуежайға Нұрсұлтан Назарбаевтың есімі берілгенін айта кетейік.