Ешқандай ұнтақ ана сүтінің орнын баса алмайды. Сондықтан, дәрігерлер мұндай өнімдердің жер жарған жарнамасына сенбеуге шақырды.

Тіпті, қоспаның әлсіз баланың денсаулығын одан әрі нашарлатып жіберетінін ғалымдар дәлелдепті. Бірақ, әйелдер жасанды сүтке әбден үйреніп алған. Қазір еліміздегі аналардың 38 пайызы ғана баласын өзі емізеді. Негізі сәби дүниеге келгеннен кейін, кемі 7 айға дейін ана сүтін емулері керек. Ондай балалар арасында өлім-жітім қоспа ішкендермен салыстырғанда 10-15 есеге аз болады екен. Емізудің баланың ақыл-ойының дамуына да пайдасы мол. Ал, ананың өзі ешқашан сүт безі ісігіне шалдықпайды. Сондықтан, дәрігерлер нәрестені табиғи сүтпен емізу қажеттігін қайталаудан жалықпайды.

Бектұрған Карин, неонатолог:

- Ана сүтімен тамақтанған нәресте ересек болған кезде бұл кісіде мысалы инфаркт аз болады, қант диабеті аз кездеседі. Экономикалық жағынан да, ана егер де сүт қоспасын да сатып алса, бұған өзінің отбасылық бюджетінен ақша бөлу қажет.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!