Алматы маңында өлі жүргізушісі отырған көлік табылды

Болжам бойынша, автомобиль жоғары жылдамдықпен ағашқа кеп соғылған. Сау тамтығы қалмаған Мазда 626 маркалы машинаны полиция қызметкерлері таңғы төрттер шамасында байқапты. Алматы- Ұзынағаш тасжолымен шығыс бағытта келе жатқан көліктің жүргізушісі тізгінге ие бола алмай, жол жиегіндегі терекке соғылыпты. Рөлдегі жігіт сол жерде жан тапсырған. Қазір тиісті сараптамалар тағайындалып, тергеу жүріп жатыр.