Қазан күншуағымен қуантқанымен, қараша ызғарымен қаритын түрі бар

Күздің соңғы айындағы ауа райы тұрақсыз болмақ. Жауын-шашын жиілеп, тұман түсіп, көктайғақ әбігерге салады. Бірінші онкүндікте Қазақстан территориясына суық антициклонның келуімен температура төмендейді. Мәселен, солтүстікте түнде 11 градусқа дейін аяз болса, оңтүстіктегі күн райы +9, 14 градус аралығында сақталады. Ал, қарашаның соңына қарай республиканың солтүстігі мен шығысында -25 градус үскірік аяз болуы мүмкін дейді мамандар. Сондай-ақ, батыс пен оңтүстікте сынап бағасы -15 градусқа дейін төмендемек.