Шахтинскіде адам қаққан жүргізуші ұсталды
Шахтинск қаласында көлік қағып, жансақтау бөліміне түскен 43 жастағы әйелдің беті бері қарады. Ал оқиға орнынан із суытқан көлік жүргізушісі бір тәуліктен кейін ұсталған. Оны табуға әлеуметтік желіге кең тараған бейнежазбалардың септігі тиіпті.
Автор: Саят Сабдалы
03.11.2017
Мына кадрлерде итімен серуендеп жүрген әйелдің жолдың ережеге сай жерінен өтіп бара жатқаны байқалады. Көліктің бірі тоқтағанымен, екіншісі жүргіншіні мұрттай ұшырды. Осы кадрлер ғаламторға тараған соң, көлікті таныған жұрт полицияға бағдар берген. 22 жастағы күдікті оқиғаның ертесіне көлігінің соққыдан майысқан жерін жөндетіп жатқан жерінде ұсталып, қамауға алынды. Ал машина қаққан әйелдің жамбасы сынған.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
