Жолындағыны жайпаған жойқын тайфун

Вьетнамда табиғаттың тосын мінезінен 27 адам көз жұмды. Дананг қаласының ондаған тұрғыны із-түссіз жоғалған. О баста «Дамри» деген ат берілген дүлей дауылдан жапа шеккендердің қарасы артып барады. Толассыз жауған жаңбырдың соңы сағатына 130 шақырым жылдамдықпен соққан желге ұласқан. Оның екпінінен үйлердің шатыры ұшып, электр желілері үзілген. Қазір әуе рейстерінің бәрі кейінге шегерілді. Соққының алдында қауіпті аймақтағы 30 мың адам көшірілген. Бірақ, бәрін құтқару мүмкін болмады.