Дегенмен, экономикасы мұнайға тәуелді елдерге үміт сыйлайтын болжам жасаушылар басқа факторларды айтып отыр. Мәселен, өнімді қысқарту жөнінде ОПЕК шешімін өзгертпесе қара алтынның баррелі кемі 50 доллардан түспейді. Сондай-ақ, АҚШ тарапы 2018 жылы сұраныс артады деген болжамға тоқтап отырған көрінеді. «Осының өзі мұнай бағасы 60-70 доллар аралығында болатындығын айғақтайды» дейді сарпшылар. Естеріңізге салсақ, ОПЕК пен оның құрамына кірмейтін елдердің 2016 жылы жасаған Вена келісіміне сәйкес, мұнай өндіруді тәулігіне 1,8 млн баррельге қысқарту жөнінде шешім қабылданған. 2017 жылдың алғашқы жарты жылдығына жоспарланған бұл келісім келер жылдың наурыз айына дейін ұзартылды. 

Бізді Youtubе-та қараңыз! Бізді Facebook-та, Instagram-да, Telegram-да оқыңыз!