Алматыда тағы да қоғамдық көліктің қатысуымен жол апаты орын алды

54-ші автобусқа Тойота көлігі соғылып, жүргізушісі сол жерде тілге келмей жан тапсырды. Оқиға Тәттібеков көшесінің бойында болған. Болжам бойынша құбырдан аққан су көктайғаққа айналып, жеңіл көлікті тізгіндеген азамат рөлге ие бола алмай қалған. Бүйірден келген соққының қатты болғаны соншалық, темір тұлпар жапырылып, сау-тамтығы қалмаған. Қоғамдық көліктегі төрт жолаушы ауруханаға жеткізілген. Қазір апаттың салдарын құзырлы органдар зерттеп жатыр.