Бұл Париждегі биылғы жылы жылжымайтын мүлік нарығындағы жасалған ең қымбат сауда-саттық екен. 65 миллионның пәтері Монтань көшесіндегі үйде орналасқан. Осы ауданды француздар қаланың «алтын үшбұрышы» деп те атайды. Үйден әйгілі Елисей алаңына санаулы минутта жаяу жетуге болады. Нысанның қауіпсіздігі де аса жоғары деңгейде. Тіпті, оның терезелері оқ өтпейтін әйнектен жасалыпты. Ал қазақтар сатып алған пәтердің жалпы аумағы анау-мынау емес 1200 шаршы метрді құрайды. Онда бес-бестен жатын, жуынатын бөлме, спа және қонақтарға арналған зал бар. Үкімет өкіліне бұл сату келісім-шартын жасау үшін бельгиялық брокер көмектескен көрінеді. Оның риелторлық агенттігі Мәскеуде орналасқан. Ал, қазақ шенеунігінің аты сол күйі аталған жоқ. Үкіметтегілер де ол туралы жарытып ештеңе айтпай отыр. 

Бізді Youtubе-та қараңыз! Бізді Facebook-та, Instagram-да, Telegram-да оқыңыз!