Яғни, куәгерлердің бірі жауап беру кезінде Ұлттық қауіпсіздік комитеті департаменті қызметкерлерінің сөзін айтып берген. Ал, өзінің көзбен көргенін жариялауға тыйым салыныпты. Сөйтіп, ол еркінен тыс Зейнетақы қоры төрағасының бұрынғы орынбасары Дабыр Медетбековке жала жапқан көрінеді. Яғни, «Бозгул аурумның» облигацияларын сатып алу туралы бұйрықты сол берді деп айтуға тура келіпті. Енді келесі сот отырысына куәгерге қысым көрсеткен тергеуші шақырылды. Бүгін қордың экс-бас бухгалтері де көрген-білгенін судьяға айтып берді. Ал, мемлекеттік айыптаушылар атышулы келісімге қордың басқарма төрағасының бұрынғы орынбасары жетекшілік еткенін мәлімдеді. Айта кетсек, 5 миллиардты жеді деп айыпталып жатқандар қатарында Руслан Ерденаев пен орынбасары болған Дабыр Медетбековтен бөлек, 4 адам бар. Олар: қордың қаржы тәуекелділігі басқармасының бастығы Мұса Бахтов, «Бозгул Аурум» серіктестігінің құрылтайшысы Бақытжан Кенжебаев пен осы компанияның директоры Азат Найзағарин және қор мен компания басшыларының ортақ танысы Талғас Тұртаев бар.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!