Талдықорғанда авиациялық бомбалар табылуына қатысты қылмыстық іс қозғалды.

Ал, әзірге тиісті органдар жарылғыш заттарды темір-терсек қабылдайтын орынға кімнің қай уақытта әкелгенін анықтап жатыр. Талдықорғандағы темір қабылдайтын орындардың бірінен 46 авиациялық бомба табылып, жұртты дүрліктірген еді. Қауіпті  жерге жедел жеткен полицейлер мен әскери саперлар бұлардың авиацияда оқу-жаттығу кезінде пайдаланатын жарылғыш зат екенін айтқан болатын. Қазіргі кезде қауіпті заттар арнайы полигонға жеткізіген. Енді көп кешікпей жарылғыштарды жою жұмыстары жүргізілмек.