Тек азық қана емес, сан-түрлі дерттің шипасы саналатын жемісті Кенжегүл Әбдіхалықова балалары үшін ұдайы сатып әкеліп дастарханға қоятын. Енді ол бұл өнімді алмақ түгілі көрместей болған. Өйткені ол құрманың ішінде адам ағзасына ғана емес, қоршаған ортаға да зиянын тигізетін құрт бар екенін естіпті. 

Кенжегүл Әбдіхалықова, Қызылорда қаласының тұрғыны:

-Қанша халықтан естіп жатырмыз, ішінде мынандай зиянкестік бар деген соң жеуге де қорқып қалдық шынын айтқанда. Жемісті жегіміз келеді.  Сырттан келіп жатқан, қанша дегенмен привозной дейді ғой.

Кенжегүлдің алаңдауына негіз жоқ емес. Себебі, Қызылорда облыстық аумақтық инспекциясы зиянкестер жайлаған 60 келі құрманы анықтаған. Бұл құртқа толы жеміс қолдан-қолға бақылусыз өтіп кетсе, адамдардың ауруға ұшырауы анық еді. Ал бұл зиянды өнімдер Қырғызстан мен Өзбекстаннан жеткізілген.       

-Сауда қоймасында карантиндік өнімге жатқызылған құрма өнімінен үлгілер іріктеп алынып, облыстық карантин зертханаға жолданылатын болады және де осы партиямен келген алма өнімдерінен үлгілер іріктеліп алынуда.

Комстог құртын қолмен ұстап, көзбен көру мүмкін емес. Оны тек микроскоппен байқауға болады. Мамандардың айтуынша, бұл зиянкестерге  толы жемістің түрі елімізде алғаш рет анықталып отырған жоқ.

Жанат Дүзелбаева, Қызылорда облыстық аумақтық инспекциясы басшысының орынбасары:

-Сырттан келген өнімдерден 6 карантиндік обьект нысан таптық. Соған байланысты жою, залалсыздандыру жұмыстары жүргізіліп жатыр. Республикамызға Қырғызстаннан Өзбекстаннан келеді.

Көрші елдерден жеткізілген көкөніс пен жеміс-жидектердің ішінен әзірге тек құрмадан ғана құрт шығып отыр. Алма да мамандардың күдігін туғызған, сондықтан тексеруге жіберіліпті. Ал аумақтық инспекция өкілдері сырттан тасымалданып жатқан ауыл шаруашылығы өнімдерін тұтынарда өте сақ болуды ескертеді.  

Бізді Youtubе-та қараңыз! Бізді Facebook-та, Instagram-да, Telegram-да оқыңыз!