Алматыда жұмбақ жағдайда жоғалған жігіттің ақыры мәйіті табылды
16-шы қарашада үйінен шығып кеткен Әлихан Ешімовты туыстары табандарынан таусылып, екі апта бойы іздеген болатын. Ал, марқұмның денесі оның көлігі табылған әуежай маңындағы көлден шыққан.
Автор: Мақсат Мәлік
30.11.2017
24 жастағы жігіт сол күні көлігі бұзылған достарына көмектесу үшін кеткен екен. Түнде анасына хабарласып, кері қайтатынын ескертіпті. Бірақ, содан бері хабар-ошарсыз кеткен. Ертеңіне ол мінген көлік әуежай маңайындағы көлдің жанынан табылады. Онда да жолдың арғы бетінен өтіп бара жатқан ата-анасы байқап қалған. Ал, көлік ішіндегі жігітің телефоны, құнды заттары мен құжаттарына ешкім тиіспепті. Кейін Әлиханды іздеуге еріктілер тобы қосылып, тіпті сарбаздар иісшіл иттермен төңіректі шолып шыққан. Қазір табылған мәйітке сараптама жасалып жатыр. Полиция тергеу шараларын бастап кеткен.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!