Ақтөбеде қарақшылар букмекерлік кеңсеге шабуыл жасады

Бетперде киген үшеу тапаншамен іштегілерді қорқытып, кассадағы бар ақшаны алып кеткен. Бұл видео бақылау камерасына түсіп қалған. Түн жарымында бұлай ешкім келмесін күтпесе керек, кеңседегілер жайланып отырғаны байқалады. Касса қызметкерлерінің бірі тіпті ұйқыға кетіпті. Бетперде киген үшеу кіріп келгенде кеңсені қорғауға тиіс күзетшінің өзі бас амандығын ойлап қаша жөнелген. Ұрылар кеткен соң ғана тығылған жерінен шықты. Тәртіп сақшыларының айтуынша, қарақшылар 200 мың теңгені алып кетіпті. Бірақ әзірге ешбірі ұсталмаған.