Атышулы журналист Сейітқазы Матаевты колонияның алдынан жақындары мен әріптестері құшақ жая күтіп алды. Мұндай жылылықты күтпесе керек, Матаев мәз-мейрам боп қалды. Денсаулығы сыр берген ол соңына дейін дәрігердің бақылауында болыпты. Осы ауыр халіне байланысты, әрі оның жасын ескерген сот Матаевты мерзімінен бұрын босатып жіберді. Осылайша, 6 жылының 2 жыл 8 айы алынып тасталды. Есретіңізге салсақ, былтыр әкелі-балалы Матаевтар ірі көлемде алаяқтық жасап, үгіт-насихатқа бөлінген мемлекеттің 300 миллион теңгесін жымқырып, әрі салықтан жалтарғаны үшін ұлы 5 -жыл, өзі- 6 жылды арқалаған болатын. Отағасы отбасына оралғанымен, баласы түрмеде қалды. Десе де, Журналистер Одағының экс-басшысы өзінің ізін басқан «ҚазТаг» ақпараттық агенттігінің бұрынғы басшысы Әсет Матаевты түрмеде қалдырмауға сөз берді.     

Сейітқазы Матаев:

-Өздеріңіз білесіздер, менің балам осында қалып отыр. Мен бүгін өзімді бостандыққа шықтым деп санамаймын. Енді оған да 2-3 ай керек, содан кейін шығады. Жалпы мұнда көп ауырып, медсанчастьте жаттым.   Бірінші жоспарым күш салып, баламды бостандыққа шығару керек деп өзім ойлаймын. Жалпы, мен де, балам да біз кінәлі емеспіз. 

Бізді Youtubе-та қараңыз! Бізді Facebook-та, Instagram-да, Telegram-да оқыңыз!