Қызыл кітапқа енген құсты заңсыз шекара асырмақ болған

Алматы әуежайында 14 сұңқарды контрабандалық жолмен Катарға алып кеткелі жатқан  арабтар ұсталды. Алматы-Доха бағытындағы рейске жүктерді тиеу барысында ағаш қораптар шекарашылардың күдігін туғызған. Сөйтіп, оны ашып көргенде ішінен заңмен қорғалатын жыртқыш құстар табылыпты. Бір айта кетерлігі қаскөйлер сұңқардың аяғында болуы тиіс сақиналар мен микрочипті әдейі бүлдіріп тастаған екен. Басы бәлеге қалған араб мемлекетінің азаматтары қазір тергеушілерге жауап беріп жатыр.