Соның арқасында қазір әлемде мұнай бағасы салыстырмалы түрде жоғары, барреліне 62-63 долларда тұрақтапты. Алайда, Қазақстан қажет деп шешкен күнде халықаралық ұйымға өтініш білдіріп келісімді бұза алатын көрінеді. Министр қазақстандық мұнайшылар өнімін сыртқа аталған бағамен сатып, өз зауыттарымызға 20-30 доллардан беріп қып-қызыл шығынға батып жатыр дейді. Сондықтан, экспорттық бағалар өссе, іштегі баға да іле өзгеруі мүмкін. Бірақ өсімді елемей, Бозымбаевтың болжамы бойынша бензин бағасы төмендеуі тиіс.

Қанат Бозымбаев, ҚР Энергетика министрі:

–Біз жақын күндері мұнай зауыттарымен жиналып, бағаларды қараймыз. Егер мұнайдың экспорттық кұны өссе, оның соңынан ішкі нарықтағы баға да қымбаттайды. Бірақ жыл соңына дейін 25 күн қалды, менің ойымша бензин бағасы өспеуі тиіс. Төмендеуі мүмкін бе дегенге келсек, иә, мүмкін.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!