Жылы жерде ұл-қызын қарап, олардың ас-ауқатын беріп отыруы тиіс онға жуық батыр ана амалсыз көшеге шығуға мәжбүр. Ашулы топ қала әкімдігіне өкпелі. Айтуларынша, шенділер пәтерлерді мұқтаж жандарға емес,  бай-бағландарға үлестіруде. Сондықтан «Алтын» және «Күміс» алқа иелері облыстық мемлекеттік қызмет істері департаментінен тексеру жүгізуін талап етуде. Бірақ, мұндағылар бұл шаруаны қадағалау құзіретімізге кірмейді деп қайырған.   

Жазира Қамолданова, батыр ана:

-Біздің бір біле алмай жүргеніміз тұрғын үй комиссиясында отырған жаңағы мемлекеттік қызметкерлердің үстінен кім қарайды? Жаңағы ол кісілерді тәртіпке кім шақырады. Мысалы: мемлекеттен бөлініп жатқан үйлердің барлығы халықтың қаржысына салынған үйлер. Оны халықтың сұрауға құқысы бар. Кімдер алып жатыр.

Шу шығарғандар пәтер кезегінде нешінші болып тіркелгендерін де біле алмай жүр. Тіпті, сол су жаңа үйлерден үлестіріліп жатқан баспаналарды кімдердің алып жатқандары да түсініксіз дейді. Осы сауалдың жауабын білу үшін белсенді топ қоғамдық бірлестік құрған. Сөйтіп тұрғын үй комиссиясы өткізетін жиынға да қатыспақ болыпты. Бірақ, бірде біреуін басқосуға кіргізбей қойған.   

Әмір Ғазалиев, тұтынушылар құқығын қорғау ұйымының төрағасы:

-Меніңе, мұнда шенділердің өздерінің қатысы бар. Өйткені қала әкімдігіндегі көлік жүргізушінің атына жер үй мен екі пәтер тіркелген. Тіпті, сол мемлекеттік тұрғын үй қорынан бөлінген баспаналарда белгісіз адамдар жүр. Кейбірінде туыстары тұрып жатыр, есіктері де екі жыл бойы жабық тұратын пәтерлер де бар. Қажет болса осы деректерді делелдейтін құжаттарымыз қолымызда.

Ал, қалалық әкімдік өкілдері заңға сүйеніп құтылды. Айтуларынша, тұрын үй комиссия отырысына бөгбе біреуді  қатыстыру заңға томпақ дейді. Бұған дейін де жиынға кіруге ниет білдіргендер болыпты. Бірақ әркеткеттерінен түк шықпаған.

Данияр Жаныс, Талдықорған қаласы әкімдігінің баспасөз хатшысы:

-2012 жылдың жетінші маусымында ҚР агенттігінің 237-ші бұйырығы бойынша, кімдер ол жерге кіру керек екендігі айтылған. Яғни ол жерде өзіміздегі қалалық аппараттан және сол жердегі перечень бойынша кіруге мүмкіндік бар. Ал, қалған адам ол жерде көрсетілмеген. Яғни, сырттан келген адамдар ол жерге бақылаушы болып кіре алмайды.

Қалай болғанда әділдік іздеген көп балалы аналар өліспей беріспек емес. Енді олар тұрғын үй комиссия отырысы тәртібін өзгертуін сұрап парламент депутаттарына хат жауға қамданып отыр. Қазірден қол жинауға кіріскен. Қолдаушылары да көп болатынына сенімді. Өйткені қалада пәтер бұйырмай жүрген 15 мың тұрғын бар. 

Бізді Youtubе-та қараңыз! Бізді Facebook-та, Instagram-да, Telegram-да оқыңыз!