Алматыда тергеуші тәркілеген гауһар тастарды сатып жіберген
Үшінші мәрте келмей, соттың ашуын шақырды! Алматыда өзі тәркілеген гауһар тастарды сатып жіберген тергеушінің ісі адвокатының кесірінен тағы да кейінге қалды. Осыған ашуланған судья келесіде оны сот залына мүлде кіргізбей қоюды бұйырды. Ал бар байлығынан айырылған кәсіпкер келіншек тергеушінің қылмысын дәлелдей алмай, соттың табалдырығын тоздырып жүр.
13.12.2017
Индира Бердібекованың бұл жолы да сотқа кіргенінен шыққаны тез болды. О баста өзі «контарабандамен айналысты» деген күдікке ілінген келіншек енді нағыз «қойдың терісін жамылған қасқырды» сотта алмай жүр. Оның алтындарын тәркілеген боп, артынша сатып жіберген тергеушіден бүгін тағы да жауап алынбай қалды. Ал ол тәркілеген құны 1 миллион доллар болатын гауһар тастар мен алтындар сол күйі ұшты-күйлі жоқ.
Индира Бердібекова, кәсіпкер
-Кірістер департаментінің басшылары не қарап отыр бұл жерде? Біреудің дүниесі бұл. Қандай себеппен ашты? Фактілерді неге тексермейді басынан бастап? Менің дүние-мүлкімді қайтарып, барлық бұл іске қатысы бар адамдардың жазасын беруін мен өтінемін.
Ал Индираға қатысты қозғалған «контрабанда» бабы бойынша қылмыстық іс ойда-жоқта тоқтатылған. Десе де, сол кезде тәркіленген айғақ заттар әлі де табылмай тұр. Тергеу мәліметі бойынша, оларды мемлекеттік кірістер департаментінің аға тергеушісі жоқ қылған. Яғни, танысы екеуі ламбордтарға өткізіп жіберген деген күдік бар. Оның біразын келіншек өзі аралап жүріп тауыпты. Тергеушінің айғақ заттарды сатып жібергеніне басшылары жауап берудің орнына, керісінше таңданып отыр.
Заңғар Шыңдәлі, Алматы қаласы бойынша мемлекеттік кірістер департаменті басқарма басшысы:
-Айғақ жоғалуы туралы Алматыда бірінші рет боп тұр. Өйткені бізде заттық айғақтарға қатаң түрде ішкі қауіпсіздік басқармасы қарайды 2014 жылдан бері құрылған. Бұл жерде енді бірінші рет боп тұр мұндай жағдай.
Тергеушіге қатысты сот жабық есік жағдайында өтуде. Бет-жүзін журналистерге көрсетпеуге тырысқан тергеушінің десе де бұрыннан көпшілік алдында жүргені белгілі болды. Қуандық Есенқұлов бұған дейін талай контарабанданы құрықтап, ол жайлы да сұхбат бергенді. Батыс Қазақстан мен Алматы облыстарында басшылық қызмет атқарған ол Алматыға аса ірі істерді қарайтын аға тергеуші боп жақында тағайындалыпты. Айта кету керек, Есенқұловпен бірге гауһар тастарды тәркілеуге қатысқан тағы 15 тергеуші куәгер ретінде сотқа қатысуда.
Бірақ олар да беттерін тұмшалауда. Айта кету керек, тергеуші мамары айында ұсталған болатын. алтындардың бос қорабы оның кабиненітнен табылған. Десме де, офицер өз кінәсін мүлде мойындап отырған жоқ.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
