Қаңыраған қорадағы бұл күректердің қолға алынбағанына көп болды. Күрейтін қар да, таситын көмір де жоқ. Азынаған үйді алматылық Гүлнұр Алмасова мына аз күнге жетер азын-аулақ отынмен жылытып отыр. Тапшылықтан бір қапшық көмірдің бағасы 1400 теңгеге бір ақ көтерілген. Үш қапшық тек екі күнге жетеді. Ал, тонналап алуға ақшасы болғанмен, сатылымда көмір болмай тұр деп кекжиді.

Гүлнұр Алмасова, Алматы қаласының тұрғыны:

- Бүкіл қаланың ішінен көмір іздедік.  Көмір жоқ. Түнгі сағат 12 -де бір қап,көмір тапқын. Алтын тапқандай қуандық.

Гүлнұрдың басындағы базына Әлмерек ықшам ауданындағылардың бәріне ортақ. Газ жүргізілмеген ауылдың күні көмірге қараған.

-Көмір беретін мекеменің дарбазасы таңнан бері тарс жабық. Кешке берер деген үмітпен 50-ден астам жүргізуші тағаттарын тауысып кезекте тұр. Бірақ, ол дарбазаның қашан ашылатыны әзірге белгісіз. Сондықтан, күтуден басқа амал жоқ.

Қара суықта жаураған жүргізушілердің бірсыпырасы кезегі келгенше үйіне кетсе, екіншілері карта ойнап, уақыт өткізуді ермек қылған. Тапшылықтың неден болғанын оларға ешкім де түсіндірмеген.

Өркен Ахметов, жүргізуші:

-Екі-үш сағат күтетін шығармыз. Амал жоқ қой, көмір тасу керек. Бер жағындағы ауылдарға апаруым керек, алыс.

Көмір беретін базада сұраққа жауап берер, жағдайды түсіндіретін жауапты адамды таппадық. Сабыры сарқылған жүргізушілердің ашуынан қашқан болар, мекеме өкілдері қашан келетінін де айтпай кеткен.

Көмір үшін қарбалас Алматыға таңсық ұғым. Өйткені, шаһардың жартысынан көбіне газ жүргізілген. Үйлерін жылытарға отын таппаған тұрғындар енді жанайқайларына жергілікті атқамінерлер құлақ түрсе екен дейді.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!