Ал, әкімдіктегілер мұны теріске шығарып әлек. Айтуларынша, Халил Ұлыер туризм, медиа және азық-түлік саласымен айналысатын қалталы азамат екен. Онымен Жансейіт Түймебаев Түркияда елші болып жүрген кезінде танысыпты. Ұлыер Түркияның бірнеше қаласында Назарбаев атындағы даңғыл мен саябақ ашуға себепкер болған да біздің шенділер мақтанышпен жеткізді. Сондықтан, Қазақстанға қыдырып келген оған бір дастархан жайғанымыз болмаса, ұшағын төлемек түгілі бюджеттен көк тиын да шығарғанымыз жоқ деп ақталды.

Бейсен Тәжібаев, ОҚО әкімінің баспасөз хатшысы:

-Әр инвестор өзінің жеке қызығушылығымен және осы өңірдің бір инвестиция салу мақсатымен келеді. Келген инвесторлармен кездесіп, іскерлік бағытта кездесулер өткізіп әңгімелесу тиісті мүмкіндіктерін таныстыру облыс әкімінің міндеттерінің бірі боп саналады. + Әрине, бұл сапар шығындарының барлығы тиісті инвестордың тарапынан өтеледі. Облыстық әкімдік тарапынан бұл мәселеге ешқандай қаржы-қаражат қаралмаған.    

Бізді Youtubе-та қараңыз! Бізді Facebook-та, Instagram-да, Telegram-да оқыңыз!