Шенеуніктер осыдан кейін еліміздегі үш мұнай өңдеу зауыты ішкі нарықты сапалы өніммен 100 пайызға қамтамасыз етеді деп отыр. Яғни келесі жылдан бастап көршілерге көз сүзбейтін боламыз. Бүгін іске қосылған су жаңа кешен кідірмей жұмыс істеп тұрса, келесі жылдың бірінші қаңтарынан бастап, осы жерден Еуро-4 және Еуро-5 класты өнім де шығарыла бастамақ.  Бірақ бұл жағдай елімізде күннен күнге көтеріліп тұрған жанар-жағар май бағасының төмендеуіне әсер ете ме, ол жағы әзірге белгісіз болып тұр. Айта кетейік, аталған кешен құрылысы 2012 жылы басталып, оған Қытай тарапынан 1 миллиард 130 миллион доллардан астам қаржы бөлінсе, Қазақстан даму банкі 258 миллиард теңге салды.   

Бізді Youtubе-та қараңыз! Бізді Facebook-та, Instagram-да, Telegram-да оқыңыз!