Ақтөбе облысында бүтін бір отбасы қақаған қыста баспанасыз қалды

Шаңырақтарының түгі қалмай жанып кеткен. Әлімбет ауылының орталығындағы екі отбасына арналған бұл барақ үйде от таң ата тұтанған. Құдай сақтап, бұл кезде онда ешкім болмапты. Үй иелері бала-шағасымен туыстарына қонаққа кеткен. Ал ғимараттың екінші жағы біраз жылдан бері бос тұрған. Ауыл тұрғындарының айтуынша, қаңырап қалған бөлігіне ауылдың жастары жиі жиналып, арақ ішетін көрінеді. Өрттің шығуына солардың да кінәсі болуы мүмкін деген күдік бар. Енді мұны құзырлы орындар тексеріп жатыр.