Зәулім үйі, тату-тәтті отбасы, бір сөзбен айтқанда тілегені бәрі бар Дениз жан құрбысы қастаңдық ойламағанша, өмірдегі ең бақытты әйел еді. Оның бұл  бақытын көре алмаған Хюлья күйеуін азғыруды ойлайды. Ол ойын іске асырады да. Қызметші қызбен таныстырып, отбасына іріткі салады. Тағдыр тәлкегіне түскен келіншек ақыр соңында көк тиынсыз бала-шағасымен көшеде қалып қояды. Бірақ, тағдыр мұнда да оны сынауын тоқтатпайды. Сұмдық жайттарға толы сериал ақыл тоқтатқан, көбіне отбасылы азаматтарға арналған. Басты кейіпкер Дениздің рөлін Озге Озберк ойнаған. Ал адасқан күйеудің рөлінде Хакан Эратик. Туынды бастан-аяқ қазақ тіліне аударылып, орысша субтитрмен жазылған. Сатқындыққа тап болған әйелдің бастан кешкен оқиғаларын көргіңіз келсе, дүйсенбі сағат 18,00-де "Сүйікті Дениз" премьерасын жіберіп алмаңыз. 

Бізді Youtubе-та қараңыз! Бізді Facebook-та, Instagram-да, Telegram-да оқыңыз!