Елімізде паспорттың құны екі есеге қымбаттамақ

Ішкі істер министрлігі шетелге шығу төлқұжатына баж салығын 19 240 теңгеге көтерйік деген ұсыныс жасаған. Оны Парламент қолдады. Бұл жаңа Салық кодексіне енгізілген өзгерістерге байланысты екен. Егер құжатқа Елбасы қол қойса, келесі жылдан бастап паспортқа тапсырыс беру екі есеге қымбаттайды. Сонда жұрт 9 мың теңгенің орнына 19 240 теңге төлейді. Ал Үкімет уақытша және тұрақты тіркеуге салынатын баж салығын  мүлдем алып тастамақ. Ол үшін азаматтар қазір  Халыққа қызмет көрсету орталығына 227 теңге төлейтін. Енді ақысыз болады.