Ақтөбеде прокурорды жекпе-жекке шақырған депутат сотталып тынды
Ақтөбеде облыстық мәслихат депутатына қатысты үкім шықты. Бақытжан Ержанов енді ірі көлемде алаяқтық жасап, прокурорды қорқытқаны үшін 3 жарым жыл шартты түрде жазасын өтейтін болды.
Автор: Жаңалық Ахаш
27.12.2017
Аймаққа танымал кәсіпкер тергеу кезінде бірден кінәсін мойындап, өзі келтірген 1 миллиард теңгеден астам шығынның орнын толтыруға келіскен. Белгілі болғанындай, асыл тұқымды мал сатып алуға толтырған құжаты жалған екен. Өйткені әйелінің атындағы қожалықтан жеткізілді деген мал жоқ болып шығады. Мұнымен қоймай, прокурорды жекпе-жекке шақырып, сес көрсеткен. Бұл қылығы үшін жазаланғанымен, енді депутаттық мандатына қатысты мәселе мәслихат отырысында қаралады.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
