Теміртауды мерекеге дайындауға қатысты тендерді астаналық фирма қараша айнының аяғында жеңіп алған. Олар қалаға 12 метрлік екі шырша орнатып, орталық көшенің 8 жеріне түнде жанып тұратын мүсіндер ілуі керек болған. Алайда бұл жұмыстар желтоқсанның аяғына дейін созылып кетіпті. Ал соңғы мерзім 25-ші желтоқсан деп белгіленген екен. Алайда шыршалар әупірімдеп жүріп, желтоқсаннның 28-інде ғана тұрғызылыпты. Оған жергілікті әкімдік 9 миллион теңге төлеген. Ал фирмадағылардың мүсіндерді орнатуға тіпті уақыттары қалмапты.

Низами Гаджиев, Теміртау қаласы ТКШ бөлімінің басшысы:

-О бастан-ақ істері өнбей, жұмысты кешіктіре бастады. Бірнеше рет кездесіп, себебін де сұрадым. Астаналық мекеме болған соң шыршаны жеткізудің қамын ертерек ойлаулары керек еді. Ақыр аяғы 2 миллион 800 мың теңге игерілмеді. Осыған байланысты сотқа беруге мәжбүр болып отырмыз. 

Бізді Youtubе-та қараңыз! Бізді Facebook-та, Instagram-да, Telegram-да оқыңыз!