{metadescription}
Алматыда ұл-қызы тастап кеткен атақты физикке қарапайым адамдар қолұшын соза бастады
Алматыда ұл-қызы тастап кеткен атақты физикке қарапайым адамдар қолұшын соза бастады

Алматыда ұл-қызы тастап кеткен атақты физикке қарапайым адамдар қолұшын соза бастады

Қаңғыбастар әлемінен - ғылым әлеміне! Жалғыздық азабын тартып, Алматыдағы әлеуметтік бейімдеу орталығына тап болған ғалымға көпшілік қол ұшын созуда. Жанашыр жандар оны үйсіздер мекенінен құтқарған. Әрі физика-математика ғылымдарының кандидатына қайта дәріс оқу мүмкіндігі беріліпті. Ал, жас ғалымдар Сапарбай Арыновтың кітабын жарыққа шығаруға ат салыспақ. Физиктің арманды да осы. Десе де, оның жас ұрпаққа ғұмырлық қазына қалдыратынына күмән басым.

Білікті физиктің аянышты өмірі көпті бей-жай қалдырмады. Оның қаңғыбастар мекенін паналап жүргені жайлы ақпарат тарағаны сол екен, жанашыр жандар сонда ағылыпты. Әрі 72 жастағы ғалымды үйсіз-күйсіздер арасынан алып шыққан. Тіпті, Қазақ-Британ техникалық университеті Сапарбай Арыновты қанатының астына алуға ниетті.

Тоғжан Қожалиева, ҚБТУ Президентінің кеңесшісі:

- Жақын біздің достарымыз бар, институттарымыз бар солар қазір күтіп ортыр. Жұмысқа аламыз деп жатыр. /13:54/ - бізде университетімізде өзіміздің типографимыз бар. Оның кітабын шығара аламыз.

Әрі көп ұзамай физикке жатақханадан орын бермек. Әзірге ол кәсіпкерлердің қолдауымен қонақүйде тұрып жатыр. Бірақ, жалғыздық жаныма батты деген ғалым еркіндікте ішімдікпен дос болып алған сыңайлы. Соған қарамастан, болашақ физиктерді оқытуды армандайтынын мәлімдеді. Айта кетсек, қарияның бір ұл, бір қызы бар. Бірақ, олар әкелерін бірде-бір рет іздеп келмепті.

Сапарбай Арынов, физика-математика ғылымдарының кандидаты:

- Мен сондай дәуірде өстім . Керемет кісілердің дәрісін алдым.  Бұлар мен үшін бәрін берді ғой. Дәріс оқысам деймін. Менің мақсатым.

Сапарбай Арынов кезінде ядролық физика институтында жемісті еңбек етіпті. Тіпті, зертхана меңгерушісі қызметіне дейін көтерілген. 60-қа тарта ғылыми еңбегі бар. Соның бәрі ескеріліп, физика-математика ғылымдарының кандидаты атанған. Оның еліміздегі физика ғылымының дамуына өлшеусіз үлес қосқанын бұрынғы әріптестері де растады. Ал, жақындары өзектен тепкен соң, бірнеше жыл бойы өз күнін өзі көрген. Тек биыл бір топ жігіттің шабуылына тап болып, қаңғыбастар мекеніне бармасқа амалы қалмапты. Ол әлеуметтік бейімдеу орталығында да құр жатпай, авторлық кітабын жаза бастаған. Оны басып шығаруға жас ғалымдар да ат салысамыз деп отыр.

Дияс Тастанбеков, жас ғалым:

- Кітап жазу ол күрделі процесс. Ол өндірістің әр жағы бар. Теруі бар, редакциясы бар. Сол жағынан көмектесе аламын деп ойлаймын.

Бірақ, қария жаман әдетінен тез арада арылмаса, үйсіздер мекенімен қайта қауышуы ғажап емес. Сөйтіп, жастарға ғұмырлық қазына қалдырсам деген арманының күл-талқаны шығатын түрі бар. Ал, оның жан жарасына бауыр еті балаларының қамқорлығы ғана дауа бола алады. 

Бізді Youtubе-та қараңыз! Бізді Facebook-та, Instagram-да, Telegram-да оқыңыз!

Кеше

31 қаңтар

Серіктестер жаңалықтары

Қазір эфирде