Қорғалжын қорығының аумағында бір топ адам алдымен ақбөкенді көлікпен қуып, әбден шаршатқан.  Ентіккен киікті ұстап алып, кезек-кезек фотоға түсіп жатыр. Тіпті,  үлкендермен еріп жүрген бала  жануардың үстіне мініп алған. Кейін әбден әлсіреген киікті жібере салады. Мұндай жағдайда ақбөкен өліп қалуы да мүмкін дейді мамандар.  Қызық қуғандар бұл қылықтарын видеоға түсіріп, интернетке жариялапты.  Енді Ауыл шаруашылығы министрлігі  киікті қорлаған отбасы мүшелеріне қатысты шара қолдануды сұрап, полицияға арыз жазды. Күдіктілер ұсталса,  500 мың теңгеге жуық  айыппұл төлеуі мүмкін немесе  екі айға абақтыға жабылады.

Сәкен Ділдахмет, Ауыл шаруашылығы министрлігінің қызметкері:

-Қазіргі таңда үлкен басты проблемалардың бірі  - халықтың, азаматтардың қарапайым селфи, фото, видео материалдары үшін осындай жабайылыққа баруы ашындырады.   Яғни,  бұл қоғамның жануарға табиғатқа деген сыйластығының жоқтығын көрсетеді.   

Бізді Youtubе-та қараңыз! Бізді Facebook-та, Instagram-да, Telegram-да оқыңыз!