31 желтоқсан күні Қарағанды ауруханасында 3жастағы бүлдіршін шетінеді. Анасы бронхитпен ауруханаға түскен Айзере Қаһарманованы 30-шы желтоқсанда қолхат қалдырып, үйіне әкеткен екен. Мерекеде үйде болмаққа. Алайда 13 сағаттан кейін іші өтіп, қызуы көтерілген бала ауруханаға қайта әкелінген. Дәрігерлер оның өмірін сақтап қала алмады. Ал қаңтардың 3-не қараған түні Теміртау ауруханасына осындай белгілермен 1 жарым жастағы Аслан Манасов жеткізілген. Бір тәулікке жетпес уақыт әлсіреп жатқан баланың 3-ші қаңтар күні кешке демі үзіліп кетті.

Ержан Нұрлыбаев, Қарағанды облыстық денсаулық сақтау басқармасының басшысы:

-Балалардың мереке күндері дүкеннен алынған шұжық жегені расталды. Түсінбеушілік болмасын деп, шұжыққа сараптама жүргізгенде балалардың туыстары да болды. Сондай-ақ, дәрігерлердің науқастардың жағдайынының ауыр екеніне мән бермегені де анықталды. Тексеріс толық аяқталған соң, қорытындыны тергеу орындарына жолдаймыз.     

Бізді Youtubе-та қараңыз! Бізді Facebook-та, Instagram-да, Telegram-да оқыңыз!