Жаға жыртысуға нақты не себеп болғаны әзірге белгісіз. Мына көліктен топырлап түскен бес жігіт екінші машинаның ішінен бір азаматты сыртқа шығарып алып, текпілей жөнеледі. Жалғыз адамды аяусыз соққыға жығып жатқандарға араша түсер ешкім болмаған. Ал жолдасын бұзақылардың ортасына тастап, өзі ізім-қайым жоғалған «Фольксваген гольфтың» жүргізушісі көп ұзамай қайта оралып, келген бойда көлігімен топтағыларды таптап өтеді. Сол кезде бір адам машинаның астында қалған. Ауыр жарақат алған 29 жастағы жігіт аурухана керуетінде көз жұмыпты. Қазір осы дерекке қатысты қылмыстық іс қозғалып, төбелес шығарғандар мен адам өлтірген азамат  іздестірілуде. Әзірге олардың тек аты-жөндері ғана белгілі.  

Бізді Youtubе-та қараңыз! Бізді Facebook-та, Instagram-да, Telegram-да оқыңыз!