«Астана-ЭКСПО»-да жаңа басшы

Енді көрмеден кейін ұлттық компанияға Ербол Шорманов жетекшілік етпек.  50 жастағы Шорманов ЭКСПО-ға алыстан келген жоқ. Ол 2015 жылдан бері  ұлттық компания төрағасының орынбасары, кейін төрағаның міндетін атқарушы болған. Шорманов 20 күндей бос тұрған экс-төраға Ахметжан Есімовтың орнын басқанын айта кетейік. Биыл ЭКСПО аумағында Астана халықаралық қаржы орталығы мен IT-стартаптар технопаркі жұмысын бастауы тиіс. Сондықтан жаңа басшыны жауапты жұмыстар күтіп тұр.