Екі айдан бері зар илеп отырған Жанар Әлмұратова ұлын іздеп бармаған жері жоқ. Оның айтуынша, сол күні баласы Алматыдан Қызылордаға қайтуы керек болатын. Анасымен таң ертенгі сағат ондардың шамасында сөйлесіп , пойызбен жететінің айтқан. Бірақ содан кейін ұлы байланысқа шықпапты.

Жанар Әлмұратова, анасы:

-Медет, жаным,  көкем қайтшы ауылға, сағындық сені.Алматылықтар баламды көрген білгендер болса өтініш бір хабар беріңізші. Үйде әкесі күтіп отыр,ол да науқастанып отыр.  

Медетхан осыдан 1 жарым жыл бұрын Алматыға ақша табуға келіпті. Түрлі көлік жөндеу орталықтарында жұмыс  істеп, әпкесінің үйінде тұрған. Анасының айтуынша, оның  хабар ошарсыз кететін әдеті жоқ. Үй ішіне "жолға шықтым" деп хабарласқанынан соң екі күннен кейін көлік жөндеу орталығындағы жора- жолдастарымен кездесіпті. 

Евгении Василеев , ТЖО жұмысшысы:

-Екі күннен кейін келді.Осы жерде бір сағаттай жүріп, барлығымен қоштасып, үйіне кетіп бара жатқанын айтты.Ал алдында алған поездына үлгере алмай ,билетін қайта ауыстырып енді кетіп  бара жатырмын деді. Тіпті оны осы маңдағы букмекерлік кеңселерде де көргендер бар.

Алайда, оның  темір жол көлігіне билет алғаның Ішкі істер департаменті жоққа шығаруда. Олардың айтуынша Медетхан темір жол билетін мүлдем сатып алмаған. Ал баланың ұялы телефонын букмекерлік кеңселердің бірінен тауыпты.

Салтанат Әзірбек,Алматы қаласы ІІД ресми өкілі: 

-Шың мәнінде ол жігіт темір жол билетін тіпті сатып алмаған да.Арнайы база арқылы тексеріп көрдік. Оның қолында мүлдем болмағанда. Ол баланы шет шетте көрген адамдар бар. Букмекерлік орталықтарды паналайтын бала екен. 

Бір қызығы Медетхан жоғалмас бұрын оған әскер қатарына шақырту келіпті. Соған уайымдап жүрген екен. Отан алдындағы борышын өтеуден қашып жүр ме ,жоқ па ол жағы әзірге белгісіз. Ал қайғырған ата-ана еріктілерден көмек сұрап , ел болып іздеуді өтініп отыр.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!