Полиция мәліметінше, Атыраудан келе жатқан «Лада» облыс орталығын бетке алған «Хьюндай акцентпен» бетпе-бет соқтығысқан. Соның салдарынан ресейлік көлікте отырған 5 адам оқиға орнында жан тапсырды. Олар: 60 жастағы жүргізуші, 40 және 57 жастағы екі әйел, 60 және 29 жастағы екі ер адам. Болжам бойынша, «Акцент» жолдың қарсы бетіне шығып кеткен. Оның салонында болғандар – бір отбасының мүшелері. Олар аман қалды. Қазір бұл іске қатысты қылмыстық іс қозғалған, түрлі сараптама тағайындалып, жол апатының жай-жапсары анықталып жатыр.

СНХ: Назымгүл Қайсағалиева, Атырау облыстық ІІД баспасөз қызметінің жетекшісі

-Хьюндай-Акценттің көлігінің ішінде 5 адам болған. Ол – жүргізушісі және оның жолдасы, 66 жылы туылған және олардың 3 баласы болған, балалардың екеуі ер бала, біреуі қыз бала, жастары, 1998, 2000, 2008 жылы туылған. Олардың барлығы да қазір ауруханада, ем алып жатыр.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!