Жәбір көрген қыздың анасы Жанна Салыбаева мен Нұрлан Рахиев осыдан 9 жыл бұрын қосылған екен. Келіншек өзге босағаға  өзімен бірге  2 жасар қызын ертіп келген. Кейін Жанна екінші күйеуіне 4 бала туып берсе де, бұл жұп некелерін заңдастырмапты. Өгей әкесінің жасаған  қылығын анасына 11 жасар Ақгүлдің өзі айтып берген. Келіншек дереу жұмыста жүрген күйеуіне телефон шалыпты.

Жанна Салыбаева, жәбірленушінің анасы:

-Күдік болғасын өзіне звондадым да, и то что  үйде болып жатқан сюжетті предположительно айтып едім, ол маған «неге айтып тұрсың оны деді, өзін өзі білдіріп қойды да, «неге айтып тұрсың қолым тимейді менің, босамайды» деп сосын сойлесеміз деді. Именно сол күні соны сұраған кезде жұмысынан ерте келді.

Төбесінен жай түскендей болған Жанна бұл жайт туралы тәртіп сақшыларына хабарлап, өзі бес баламен  дағдарыс орталығына кетіп қалған. Кейін  жергілікті әкімдік оған уақытша баспана тауып берген екен. Көпбалалы отбасы қазір соны паналап отыр. Ал «педофил» деп айыпталған жігіттің анасы «келінім ұлымды  әдейі түрмеге жауып отыр» деп шыр-пыр. Айтуынша, Жаннаның о бастан-ақ қитұрқы жоспары болған көрінеді.  

Алмагүл Құлахмет,  айыпталушының анасы:  

-Енді келіннің көздеп отырғаны  бұл баспана. Өзінің бастапқы мақсаты баспаналы болу. апасы Ажар деген баспанасыз, әр жерде бала-шағасымен жүр. Анасы Тұраш оның да отырған үйі екі бөлмелі, өзі оның үстіне науқас онкологический. Отырған жері нашар, соның бәрін ойластыра келіп, бұлар апасымен қасақана алдын- ала ұйымдастырып отырған іс-әрекет деп отырмын. 

Тәртіп сақшылары 11 жастағы Ақгүлге қатысты барлық сараптамаларды жасаған. Абырой болғанда, қыздың дене мүшелеріне еш зақым келмепті. Күдікті азамат сәбиге өзінің әурет жерін ұстатып, өзі де өгей қызын аймалап ләззат алған екен. Бала анасына осындай жағдайдың екі рет болғанын айтқан.  

Табиғат Еркінбекұлы, Қызылорда ОІІД тергеу басқармасының тергеушісі:

-Қылмыстық істі  тергеу барысында күдікті Рахиев Нұрланға қатысты оның жасаған қылмыстық  іс әрекеті жөнінде барлық кінәлілігі толығымен  дәлелденіп, қылмыс құжаттарына қажетті деген дәлелдер жиналып, қазір іс прокуратарамен зерделеніп жатыр.  

Азғын деп айыпталған Рахиев әзірге өзіне шаң жуытпай отыр. Ал егер кінәсі дәлелденсе, ол 12 жылға дейін түрмеге тоғытылуы мүмкін. 

Бізді Youtubе-та қараңыз! Бізді Facebook-та, Instagram-да, Telegram-да оқыңыз!