Қарағанды облысында жолда қалған көліктерден 177 адам құтқарылды

Құтқарушылар Қарағанды-Астана тас жолында тұрып қалған 2 автобус пен 40-тан аса жүк машиналарын Теміртау қаласына жеткізді.  Жүк көліктерінің басым бөлігі еліміз арқылы Ресейге бағыт алғандар екен. Қатты аяздың салдарына Ақмола облысының шекарасы басталатын жер жабылған. Сондықтан Теміртаудан аса берген көлік атаулы Ақмола облысына қарай жүре алмай үлкен кептеліске түсті. Сақырлаған аязда қалғандарды құтқарушылар кері қарай Теміртауға жеткізіп, үш жатақханаға орналастырды. Зардап шеккендер жоқ. Олардың барлығы енді күн жылынғанда ғана жолға шыға алады.