Қазір Мұғалжар ауылында оқушыларға сабақ тоқтатылды. Жедел жөндеу жұмыстарын жүргізуге өңменіңнен өтетін ызғырық жел кедергі келтіріп отыр. Себебі бұл өңірде жел екіпіні секундына 28 метрге жетеді. Сондай-ақ, дауылға байланысты Ақтөбенің бастауыш сынып оқушыларына да сабақ болмайды. Ақтүтек бораннан аймақтағы бірқатар жолдар жабылған. Жел екіпіні ертең де үдей түспесе, апта соңына дейін басылмайды деп отыр синоптиктер.

Қайрат Қасым, Ақтөбе облыстық ТЖД бастығының орынбасары: «Қазгидрометтен» ертең жел екіпіні секундына отыз метрге жетеді деген хабарлама алдық. Бұл дегеніміз, -15 градус аяздың өзінде осындай жел тұратын болса ол -40 градус аязға тең келеді деген сөз. Сондықтан сақтанып, мүмкіндігінше үйден шықпай, жылы жерде отрған жөн.    

Бізді Youtubе-та қараңыз! Бізді Facebook-та, Instagram-да, Telegram-да оқыңыз!