Астанада көлігімен Ақорданың қақпасына соғылған полицей мас болған

Бұған дейін Ішкі істер министрлігі рөлде болған аға лейтенанттың сау немесе мас болғанын айтпай келген. Ал, жол апаты бір апта бұрын болғанын айта кетейік. Президент резиденциясының жанында Порше Кайен мінген 26 жастағы тәртіп сақшысы тізгінге ие бола алмай қақпаға соғылған. Сол үшін лейтенант Иманбеков бірден қызметінен қуылған еді. Әрі онымен қоса тікелей бастығы взвод командирі де жұмыстан шығарылды. Қазір зақым келген Ақорда қақпасы қайтадан қалпына келтіріліп, экс-полицей шығынды өтеп берген.