Италияда жолаушылар пойызы рельстен шығып кетті

Милаң маңында болған апаттан үш адам сол жерде жан тапсырып, жүзге жуығы жарақат алды. Қазір оқиға орнында құтқарушылар мен полицейлер бел жазбай жұмысқа жұмылған. Аударылып, майысқан вагондардың ішінде әлі де шыға алмай жатқан адамдар бар. Поезд Кремона қаласынан Миланға бет алған екен. Техникалық ақаулыққа байланысты осындай жайтқа ұрынды деген ресми мәлімет тарады. Бірақ, куәгерлер күйі кеткен рельстердің апатқа себепкер болғанын айтады. Құзырлы органдар оқиғаның жай-жапсарын анықтауға кірісіп кетті.