Ақтөбе облысында жүк тиелген көліктің түгі қалмай өртеніп кетті

От машинаның тіркемесінен тұтанған екен. Отқа оранған көліктің  жүргізушісінің өзі алғашқыда байқамай қалған. Тек айнадан тіркеменің жанып жатқанын көргенде секіріп түскен. Осылайша ол көмекшісімен аман қалды. Ал «DAF» маркалы жүк көлігі Алматыдан Мәскеуге қарай жолға шыққан. Ол жаққа азық-түлік жеткізбек болған. Бірақ тауарларының түгі қалмай күлге айналды. Қазір келген шығын есептеліп, өрттің шығу себебі де тексеріліп жатыр.