Атырауда мәслихат депутаты істі болып жатыр
Атырауда қалалық мәслихаттың депутаты әрі қаланы сумен қамтып отырған «Атырау су арнасы» мемлекеттік мекемесінің экс-басшысы Андрей Ташлыковқа қатысты сот басталды. Айыпталушылар қатарында Ташлыковтан бөлек мекеменің бас есепшісі мен бөлім бастығы да бар.
Автор: Жанар Низамутдинова
29.01.2018
Бұл үшеуіне Қылмыстық кодекстің «сеніп тапсырылған мүлікті иелену немесе талан-таражға салу» және «қызметтік өкілеттілігін асыра пайдалану» баптары бойынша айып тағылған. Андрей Ташлыков 2016-17 жылдары қаладағы су құбырларында апат болды, -деп жалған құжат жасаған. Ал оны жөндеуге қажетті түрлі қосалқы заттарды алғызу үшін өз жоспарына бас есепші Гүлмира Ожыраеваны тартқан. Ол өз кезегінде жалған құжат арқылы мүлде жоқ жабдықты үн-түнсіз «жеткізіп» беретін тасымалдаушыны табумен айналысқан. Тіпті оның есепшотына қажетті қаржыны аударып, кейін өздері ақшаны алып отырған. Нәтижесінде, мемлекеттің 49 миллион теңгеге жуық қаражатын ұрлаған.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
