Астанада бірнеше тонна мотор майы жанып кетті

Астанада алапат өрт шықты. Бұл жолы қала шетіндегі автобөлшектер сататын ірі базар отқа оранды. Өрт түнде шыққан. Қызыл жалынға оранған тұтас базар емес. Ал өрт шарпыған контейнерлерде матор майлары мен көлікке қажетті өзге де сұйықтықтар болыпты. Олар тез тұтанғыш болғандықтан, тілсіз жау әп-сәтте бірнеше сауда орнындағы тауарларды күл қылған. Қайта өрт сөндірушілер дер кезінде жетіп, қызыл жалынды ауыздықтадық деп отыр. Қазір өрттің шығу себептері мен кәсіпкерге келген шығын көлемі есептелуде.