Ауладағы жолды жапқаны үшін көліктерді өртеп жіберген

Түнде Алматыда екі машинаның түгі қалмай жанып кетті. Toyota Camry 30 және Volkswagen Passat-тың темір қаңқасы қалған. Көліктерді әдейі өртеп жіберуі мүмкін. Себебі екі тұлпар да өзге көліктердің өтуіне кедергі келтіретіндей етіп қаңтарылған екен. Бұл маңда дәл осылай жолды жауып кету жағдайы жиі кездесетіндіктен, тұрғындардың шыдамы таусылған дейді көршілер. Өрттің нақты неден тұтанғанын анықтау үшін мамандар сараптама жүргізіп жатыр.