Ақтөбеде сүйіктісіне сөз салмақ болған жігіттің қылығы жұртшылықты таң қалдырды

Жоғарғы қабаттағы балконға кранмен көтерілегн оны көргендер нағыз романтикке балап жатыр. Қарсы үйдегі көршілері бұл көрініске қызыққаны сонша таспаға түсіріп, әлеуметтік желіге таратып жіберген. Ақтөбелік жігіт сүйіктісін таң қалдыру үшін автокран жүргізушісімен келісіп, қолындағы шарымен жоғарыға көтеріледі. Сөз салған жігіттің сезіміне қыздың не деп жауап бергені белгісіз. Бірақ мамандар жігіттерден мұндай батылдыққа бара бермеуін сұрайды. Өйткені биіктіктен аяғы тайып, құлап кетуі де мүмкін. Майып болмас үшін сақтанған жөн дейді құтқарушылар.