Бақытжан Қараманов, қылмыстық істер жөніндегі апелляциялық сот алқасының төрағасы:

- Алматы қаласы мамандандырылған ауданаралық сотының Эмиль Гильмутдинов пен Алла Волченкоға қатысты үкімін өзгеріссіз қалдырамыз. Сотталушылардың бүкіл апелляциялық шағымы қанағаттандырусыз қалсын.

Қатыгез ата-ана тиісті жазаларын өткен жылдың соңында алған болатын. Бірақ, екеуі де үкімге келіспейді екен. Эмиль Гильмутдинов қылмысты алдын-ала жоспарламастан, ойда-жоқта жасағанын алға тартып, жазасын жеңілдетіп алмақ болды. Әрі ұлдарын өлтіріп болған соң, бұған өкініпті-мыс. Ал, Волченко қылмыс туралы түк білмедім деуін қояр емес. 1 жасар егіз балалардың өлі денелері қыркүйекте көпқабатты үйлердің біріндегі тоңазтқыштан табылған болатын. Ерлі-зайыпты онымен тоқтамай, үлкен ұлдарын да көше ортасына қараусыз тастап кеткен. Қазір ол бүлдіршін балалар үйінде өсіп жатыр. Сәбидің алдағы тағдырын қамқоршылық органы, яғни, Медеу ауданының білім басқармасы шешетін болды. 2 жасар Равильді алып кетуге Эмиль Гильмутдиновтың анасы ниетті. Өзбекстандық әйел бұл үшін қажетті құжаттарды жинап та қойыпты.

Айткүл Кемебаева, Медеу аудандық білім бөлімінің бас маманы:

- Ол қажетті құжаттарды түгел жинады. Қазір бұл мәселе Медеу аудандық әкімдігінде қаралып жатыр. Равильдің тағдыры 1 ай ішінде шешіліп қалуы керек. Ал, Алла Волченконы ана құқығынан айыру туралы бөлек шағым түсіретін боламыз.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!