Таразда лауазымды полицейлер парамен ұсталды
Таразда жергілікті полиция қызметі бастығының орынбасары мен батальон командирі парамен ұсталды. Бірнеше күн бұрын болған тұтқындау жайында ресми мәлімет енді ғана айтылуда.
Автор: Руслан Әбдіхалық
19.02.2018
Cыбайлас жемқорлыққа қарсы іс-қимыл Ұлттық бюросы өкілдерінің мәліметінше, лауазымды полицейлер қол астындағы қызметкерлерден жүйелі түрде ақша жинап келген. Құзырлы орын таратқан ресми парақшада ұсталғандар 7 мыңнан 180 мың теңге аралығында ақша алып отырған делінген. Қаңтар мен ақпан аралығында осындай алты дерек тіркеліпті. Ал параның жалпы соммасы 300 мың теңгені құрайды. Қазір күдіктілер қамауға алынып, тергеу жүргізілуде.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
